今期要介紹嘅單位為澳門御景灣4房單位，業主為一家5口居住，全屋裝修風格為現代簡約風。客廳以簡單設計為主，盡量留白，令空間顯得乾淨企理，再搭配各式木製家具，滿足收納嘅同時，木質家具天生所帶嘅木紋，能為成個客廳帶嚟自然氣息~地面鋪貼雲石瓷磚，系視覺效果上俾人一種闊落感。
兒童房設計方面，利用櫃體將房間分成兩個空間，而唔系透過牆身進行分隔，方便小朋友長大之後，為房間進行改動，而櫃體隔斷亦能為兒童房增添收納能力，能培養小朋友收拾整理嘅動手能力~至於主人房方面，延續客飯廳設計風格，以簡約為主，營造一個舒適嘅睡眠空間。
